Lembra que o cheque que te dean só será válido para a adquisición de libros de texto e material didáctico complementario correspondente ao nivel que realice o teu fillo no curso 2008-2009.
1 .- O cheque non representa diñeiro, senón un medio de pago dos libros e material incluido na convocatoria en calquera das librarías adheridas ao programa de gratuidade de libros de texto da Consellaría de Educación e Ordenación Universitaria.
2.- Vostede pode escoller a libraría onde quere facer a adquisición dos libros de texto, facilmente identificable polos seguintes adhesivos colocados en lugar visible.
(No Trasno Viaxeiro temos esta pegatina dende hai un mes. Podes ter máis información en Educadhoc, o programa de gratuidade dos libros de texto.
3.- O cheque cubrirá o importe co límite do máximo que figura no mesmo. O establecemento non poderá devolverlle diñeiro en ningún caso, nen completar a cuantía do cheque con material que non estea incluido na convocatoria. No caso de que o importe máximo non fose suficiente para incluir todos os libros de texto relacionados no anexo, a libraría indicará cun “x” o libro ou libros que non se incluirán na factura e que deberán ser aboados por vostede, sendo estes, polo tanto da súa propiedade.
4.- Xunto con este cheque deberá presentar na libraría as tres copias do anexo I que lle foron facilitadas no centro onde realizou a matrícula. A libraría asinaralle e devolveralle unha delas, que deberá gardar como comprobante da súa solicitude.
5.- Pode vostede entregar o lote de libros na libraría ou decidir que sexa a libraría a que os entregue no centro educativo.
Podes reservar os libros para o próximo curso escolar, ben pasando pola libraría, ben chamandome por teléfono, ou ben por email.
Que non te lembras de cómo chegar ó trasno viaxeiro?
Pois ti imaxinate que vas Cacheiras abaixo, pasas a case recén estrenada oficina de correos á tua dereita (sí, pola costa abaixo esa pola que vas sempre a lume de carozo) e enseguida has ver o trasno na fachada do edificio.
A verdade é que dende que uns malpocados lle pintaron bigote ó trasno, este ten certo aire de ex-presidente.
Resumindo, que se queres podes traer a esta libraría o teu cheque libro.
